Aktuelle Termine

Linke Links im Vogtland

Manche Leit sogn: is is ja esuwieso alles scha entschiedn, oder: is ännert sich sowieso nix.

Richtich is awer: Es is nix entschiedn. Wie´s in Deitschland weitergieht, des hängt aah dodrvah ab, wieviel Leit for de LINKEN ihre Stimm ohgaam!

Is hängt aam aah von Ihrer/Deiner Stimm ab!!

Mir von dr Linken stenne for GERECHTIGKEIT, damit alle Leit in Deitschland de gleing Chancen hamm.
Mir wolln e Land, e Gesellschaft, in der kaaner ausgegrenzt werd, dass jeder am Lebn mit den gleing Rachtn teilhamm kaa.
Mir wolln, dass jeder von seiner Arbeit gut lebn kaa und dodrmiet ah sei Zukunft plane kaa.
Mir wolln, dass Leit Hilfe kriegn, wenn se in Nut sei. Kaaner und Kaane soll unter Armut leidn.
Mir von dr LINKEN sei gegn jede Art von Kriesch. Mir setzn uns aktiv for Frieden in dr ganzn Welt ei.

Mir von dr LINKEN finden ´s ugeracht, dass in unnern reing Land Kinner in Armut aufwachsn und dass de Millionäre immer mehr wern.
Is is net fair, dass esu viel ältere Leit net gut von ihrer Rente lebn kenne, aah wenn se 30, 40 Gahr hart gearbeit hamm.
De Politik dr Herrschndn hot dodrzu geführt, dass de Arbeitsplätz in Deitschland immer usicherer worn sei.
In de Schuln, ne Kinnergärtn und in dr Pflech dr Ältern fehlt is Gald. Awwer for´s Militär wern die Ausgabn vrdopplt. Des muss sich ännern, ubedingt!
Mir von de LINKEN kenne uns mit dere Art Politik net zefriedn gaam.
Mir wolln, dass sich in unnern Land grundlengt ewos ännert.
Do kaa kaaner von uns erwartn, dass mir e Koalition mit dr CDU/CSU eigeh kenne. Mir wolln und mir kenne denne ihre Politik net unnere Unterstützung gaam. Esu weiter net mit uns.
Mir wolln en klarn politischn Wechsel und e soziales Land.
Mit Ihnen – ne Wähler und dr Wählerin – zesamm kenne mir ewos von Grund auf ännern.
Unner Land kaa und darf net esu bleim wie´s is.
Wenn de LINKEN bei dr Wahl zen Bundestoch viel Stimme kriegt, kenne mir aah viel erreing.
Mir wolln soziale Gerechtigkeit und e sichere Zukunft.